Mëso për një të ardhme më të mirë!

Të dashur mysafirë të webfaqes së Unionit të Studentëve Shqiptarë në Danimarkë!

Ju ftojmë të jeni pjesë e rrjedhave te web-faqes tonë, dhe qëllimeve tona ku pikësynimi ynë është që të nxisim interesin dhe vullnetin e të gjthë atyre shqiptarëve që duan të studiojnë dhe jetojnë në Danimarkë, për një të ardhme më të mirë dhe të sigurtë.

Të jesh nxënës/student gjithmonë është nder i veçantë dhe privilegj i jashtezakonshëm, por padyshim se duhet të jetë kontribut individual i secilit prej nesh per t’i lëvizur gjërat gjithmonë më tutje. Po ashtu ne kemi marrë hapat e parë për ti treguar masës se shkollimi është shumë i rëndësishëm dhe kuptimplote. Shqiptarët duhet të dinë për potencialin dhe mundësite që krijohen dhe ofrohen në këtë vend. Në Danimarkë kohëve të fundit është duke u shtuar numri i të interesuarve për shkollim të mesëm dhe të lartë.

Nuk duhet harruar, që në Danimarkë dhe Europë në përgjithësi kemi shqiptarë me të cilët duhet patjeter të mburremi, siç janë avokatë, doktorë, pedagogë dhe ekonomistë të shumtë. Ne nuk duhet në asnjë mënyrë të harrojmë mësimin e gjuhës shqipe që ka rëndësi të veçantë për një arsimim të përgjithshëm por edhe për ruajtjen e identitetit kombëtar.

Gjithashtu sipas analizave të ndryshme, mësimi i gjuhës amtare ndihmon nxënësit edhe në studimet e përgjithshme në vendin ku jetojn ata. Arsimimi paraqet një nga shtyllat themelore të identitetit shpirtëror dhe intelektual të shoqërive të përparuara në çdo vend. Shkollimi është përgjegjësi qytetare e secilit prej nesh, sepse është bazë e prosperitetit individual shoqëror dhe kombëtar.